ศาลตัดสินจำคุกอดีตเจ้าหน้าที่กระทรวง 18ปีเซ็นคำสั่งมิชอบที่ดินรัฐ | ข่าวประเทศลาว | VaoHaiFung.EP272

ໃນຕອນເຊົ້າຂອງວັນທີ 14 ຕຸລາ 2026 ຄະນະສານອາຍາ ຂອງສານປະຊາຊົນນະຄອນຫຼວງວຽງຈັນ ໄດ້ນໍາເອົາຄະດີ ການສໍ້ລາດບັງຫຼວງ ອອກມາພິຈາລະນາ ຈໍານວນ 1 ເລື່ອງ, ເຊິ່ງມີ ຈໍາເລີຍ ຈໍານວນ 1 ຄົນ ຊື່ ທ້າວ ເກສອນ ໄຊຍະເສນ ອາຍຸ 59 ປີ, ອະດີດພະນັກງານກະຊວງກະສິກໍາ ແລະ ສິ່ງແວດລ້ອມ ( ກະຊວງ ກສ ), ປັດຈຸບັນຢູ່ບ້ານ ຈອມເພັດເໜືອ ເມືອງສີສັດຕະນາກ ນະຄອນຫຼວງວຽງຈັນ, ຖືກຫາວ່າ: ການສໍ້ລາດບັງຫຼວງ. ເຊິ່ງສານນະຄອນຫຼວງວຽງຈັນ ຕັດສິນຈໍາຄຸກ 18 ປີ 3 ເດືອນ. ທ້າວ ເກສອນ (ຈໍາເລີຍ) ໄດ້ສວຍໃຊ້ໜ້າທີ່ຕໍາແໜ່ງ ໂດຍເຊັນແຈ້ງການ ຈໍານວນ 6 ສະບັບ ທີ່ບໍ່ຖືກກັບເນື້ອໃນຂໍ້ຕົກລົງຂອງທ່ານລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ທີ່ໄດ້ລະບຸວ່າ ເຫັນດີໃຫ້ຫັນດິນລັດເປັນທຶນ ຊໍາລະຄ່າກໍ່ສ້າງຕຶກສໍານັກງານກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໃຫ້ແກ່ ທ້າວ ວົງໄທ ຜ່ອງສະຫວັນ ( ຜູ້ຮັບຜິດຊອບທາງແພ່ງ ) ບໍ່ສອດຄ່ອງກັບກົດໝາຍ ແລະ ລະບຽບການໃນການໂອນສິດນໍາໃຊ້ທີ່ດິນ ຈຶ່ງເຮັດໃຫ້ພາກສ່ວນທີ່ກ່ຽວຂ້ອງບໍ່ສາມາດເກັບຄ່າອາກອນ ແລະ ຄ່າທໍານຽມຕ່າງໆເຂົ້າລັດໄດ້ ຈໍານວນ 1.560.491.400 ກີບ. ລົງໂທດຕັດອິດສະລະພາບ ທ້າວ ເກສອນ (ຈໍາເລີຍ) 18 ປີ 3 ເດືອນ ແລະ ປັບໃໝ 1% ຂອງມູນຄ່າຄວາມເສຍຫາຍ ຈໍານວນ 1.560.491.400 ກີບ. ເຫັນວ່າ ຕໍ່ກັບຄວາມເສຍຫາຍ ຈໍານວນ 1.560.491.400 ກີບ ທ້າວ ວົງໄທ (ຜູ້ຮັບຜິດຊອບທາງແພ່ງ) ກໍຍິນດີຮັບຜິດຊອບໃຊ້ແທນຄືນໃຫ້ແກ່ລັດ. ຜ່ານມາແມ່ນໄດ້ຊໍາລະແລ້ວ ຈໍານວນ 100.000.000 ກີບ (ໜຶ່ງຮ້ອຍລ້ານກີບ) ຕາມບົດບັນທຶກມອບຮັບ-ເງິນ ສະບັບລົງວັນທີ 21 ສິງຫາ 2026 ທີ່ອົງການກວດກາແຫ່ງລັດ ( ກົມຕ້ານ ແລະ ສອບສວນການສໍ້ລາດບັງຫຼວງ ), ຍັງຄ້າງຈໍານວນ 1.460.491.400 ກີບ, ທ້າວ ວົງໄທ ຈະຊໍາລະໃຫ້ລັດ ພາຍໃນ 60 ວັນ ນັບແຕ່ວັນທີ 21 ສິງຫາ 2026 ເປັນຕົ້ນໄປ. #ข่าวลาว #ข่าวประเทศลาว #ເວົ້າໃຫ້ຟັງ #SpillTheTea #ลาว #Laos #การเมืองลาว #สปปลาว #ประเทศลาว #ข่าวสปปลาว #LaoNews #Vaohaifung #เว้าให้ฟัง