မာဆူရီရဲ့ သွေးက ဘာကြောင့် အဖြူရောင်ဖြစ်နေခဲ့တာလဲ?

မဟေသီ မာဆူရီ၏ သွေးဖြူကျိန်စာနှင့် အနှစ် ၂၀၀ ကြာ ပျက်စီးခဲ့ရသော လန်ကာဝီကျွန်း ဓားနဲ့ထိုးလိုက်တဲ့အခါ နီရဲတဲ့သွေးတွေအစား... ဆီးနှင်းလို ဖြူစင်တဲ့ သွေးဖြူတွေ စီးကျလာခဲ့တဲ့ အမျိုးသမီးတစ်ယောက်...။ ၁၈ ရာစုအကုန်မှာ မလေးရှားနိုင်ငံ လန်ကာဝီကျွန်း (Langkawi) ပေါ်မှာ ဖြစ်ပျက်ခဲ့တဲ့ "မဟေသီ မာဆူရီ" (Mahsuri) ရဲ့ ဘဝဇာတ်ကြောင်းဟာ ရိုးရိုးဒဏ္ဍာရီ ပုံပြင်တစ်ပုဒ် မဟုတ်ပါဘူး။ မနာလိုမှု၊ မဟုတ်မမှန် စွပ်စွဲမှုနဲ့ ပဒေသရာဇ်စနစ်ရဲ့ မတရားမှုတွေကြောင့် အပြစ်မဲ့စွာ ကွပ်မျက်ခံခဲ့ရတဲ့ မာဆူရီဟာ သူမ၏ နောက်ဆုံးထွက်သက်မှာ ကျွန်းတစ်ကျွန်းလုံးကို ခုနစ်ဆက်မြောက်တိုင်အောင် ကံဆိုးမိုးမှောင်ကျစေဖို့ ကျိန်စာတိုက်ခဲ့ပါတယ်။ သူမ ကွပ်မျက်ခံရအပြီးမှာပဲ ဆိုင်ယမ် (ထိုင်း) တပ်မတော်ရဲ့ ကျူးကျော်မှု၊ စပါးကျီများကို မီးရှို့ဖျက်ဆီးခဲ့ရသည့် "စပါးကျွမ်းပြင်" (Beras Terbakar) သမိုင်းဆိုးနဲ့ အနှစ် ၂၀၀ နီးပါး ငတ်မွတ်မွဲတေခဲ့ရတဲ့ လန်ကာဝီကျွန်း၏ အမှောင်မိုက်ဆုံး သမိုင်းဝင် သက်ရောက်မှုများကို ဒီဗီဒီယိုမှာ အသေးစိတ် စုံစမ်းဖော်ထုတ်ထားပါတယ်။