КӨШПЕНДІЛЕР ОЙЫНЫ ӨШПЕНДІЛЕР ОЙЫНЫ БОЛЫП КЕТТІ МЕ | САРАПТАМА

Бүгін негізі Дүниені дүр сілкіндіріп, көшпелі мәдениеттің рухын асқақтатқан 6-шы Дүниежүзілік көшпенділер ойыны туралы баяндамақпыз. Бірақ кешелі бері осы жағдай ақпарат айдынында айқайлап тұр. Бұқараның алдында жұмыс істейтіндіктен бұл мәселеге де сергек сана, сабырлы пайым тұрғысынан қарайтымызды астын сызып тұрып айта кетейін. Қос қыздың тарихты танымаса да Кенесарының басынан шарап ішеміз деген сөздері әсілінде аңдамай айтылғанымен арғы жағынан үлкен мәселенің шеті көрінеді. Ол не мәселе? Өткенде Көшпенділер ойынында қазақтың туымен қазақты ұрған жайттан кейін де біраз дау-шарғы болды. Командалық есепте Қазақстанның 3 алтынын жоғалтып алған ұйымдастырушылар артынан оны тауып, жалпы жеңіс қазақ еліне тиесілі екенін мойындады. Содан бері әлеуметтік желідеге айтыс тартыс басылмай келді. Ендігісі мынау. Бұл әлбетте қос халықтың арасындағы өшпенділік емес, бірақ басы ашылмаған, дауы басылмаған түйткілдер бар екенін анық көрсететін ахуал. Десек те бұл келеңсіздіктерді қалай еңсермек керек? Ғасырлар бойы аулы аралас, қойы қоралас, қыз алып қыз берісіп, тағдыр жазған жақсылықты да, жаманшылықты да бірге еңсеріп, жасап келе жатқан қос халықтың арасына өшпенділіктің отын жаққысы келетіндер кімдер? Күні кеше дүниені дүбірлетіп, Дүйнөлік гөчмөндөр ойындары өтті. Өтті кетті, бірақ өкпе қалды ма қазақта? Көшпенділер ойыны Өшпенділер ойынына айналып бара жатқан жоқ па? – деген пікірлер де айтылып жатыр. Осы сұрақтарға жауап іздеп көрсек. Және бұл шығарылымды Қырғыз ағайындар да көреді, көршілерімізге де бұл хабарға алашапқынның емес, парасаттың тұрғысынан қарауды үндейтінімді айта кетейін. Ендеше ағайын, шайларыңызды демдеп, ден қойсаңыздар бастайық. #білгендұрыс #қазақстан #қырғызстан #жаңалықтар