ရာဇဓိရာဇ် — စစ်ပရိယာယ် ဘယ်လောက်ကြွယ်ခဲ့သလဲ?

အသက် ၁၆ နှစ်အရွယ် မင်းသားလေးတစ်ပါးဟာ မိသားစုအတွင်းက အာဏာပြိုင်ဆိုင်မှုနဲ့ အသက်အန္တရာယ်ကြားကနေ ထွက်ပြေးခဲ့ရပါတယ်။ ဒါပေမယ့် အဲဒီလူငယ်ဟာ နောင်တစ်ချိန်မှာ ဟံသာဝတီရဲ့ သမိုင်းကို အကြီးအကျယ် ပြောင်းလဲစေမယ့် ရာဇဓိရာဇ် ဖြစ်လာခဲ့ပါတယ်။ ပြိုကွဲနေတဲ့ ဟံသာဝတီကို ပြန်လည်စုစည်းရင်း မွန် ၉၆ မြို့ ကို ဟံသာဝတီထီးရိပ်အောက် ပြန်လည်ပေါင်းစည်းနိုင်ခဲ့တဲ့ ရာဇဓိရာဇ်ဟာ အင်အားတစ်ခုတည်းကို အားကိုးခဲ့သူ မဟုတ်ပါဘူး။ ရန်သူရဲ့ အားနည်းချက်ကို အကဲခတ်ခြင်း၊ လှည့်ကွက်များအသုံးချခြင်း၊ ခံစစ်နဲ့ တိုက်စစ်ကို အချိန်ကိုက် ပြောင်းလဲအသုံးချခြင်းနဲ့ စစ်မြေပြင်ရဲ့ အနေအထားကို အခွင့်အရေးအဖြစ် ပြောင်းလဲအသုံးချခြင်းတို့က သူ့ရဲ့ စစ်ရေးသမိုင်းမှာ ထင်ရှားတဲ့ အစိတ်အပိုင်းတွေ ဖြစ်လာခဲ့ပါတယ်။ အင်းဝ–ဟံသာဝတီ အနှစ်လေးဆယ်စစ်ပွဲကြီးအတွင်းမှာလည်း ရာဇဓိရာဇ်ဟာ စစ်သည်အင်အားနဲ့သာ မရင်ဆိုင်ဘဲ ရန်သူ့စိတ်ဓာတ်ကိုပါ ထိခိုက်စေမယ့် လျှို့ဝှက်စစ်ဆင်ရေးများကို အသုံးပြုခဲ့ပါတယ်။ တစ်ဖက်မှာလည်း လဂွန်းအိန်၊ အမတ်ဒိန်၊ သမိန်ဗြာဇ္ဇ စတဲ့ ထင်ရှားတဲ့ စစ်သူကြီးများနဲ့အတူ ဟံသာဝတီရဲ့ စစ်အင်အားကို တည်ဆောက်ခဲ့ပါတယ်။ ဒါပေမယ့် ရာဇဓိရာဇ်ရဲ့ ဘဝမှာ စစ်မြေပြင်အောင်ပွဲတွေသာ ရှိခဲ့တာတော့ မဟုတ်ပါဘူး။ အာဏာ၊ မိသားစု၊ သံသယနဲ့ ဆုံးဖြတ်ချက်တွေရဲ့ နောက်ကွယ်မှာ ကြေကွဲဖွယ်ဖြစ်ရပ်တွေ ရှိခဲ့ပြီး၊ အဲဒီဖြစ်ရပ်တွေနဲ့ ဆက်စပ်ပြီး ရာဇဝင်ထဲမှာ ကျန်ရစ်ခဲ့တဲ့ ဘောလောကျမ်းတော၏ ကျိန်စာ နဲ့ မင်းရဲကျော်စွာ တို့ရဲ့ ဇာတ်လမ်းကလည်း ရာဇဓိရာဇ်ဘဝကို ပိုမိုရှုပ်ထွေးစေခဲ့ပါတယ်။ နောက်ဆုံးမှာတော့ ဟံသာဝတီအတွက် သေရေးရှင်ရေးဖြစ်လာတဲ့ စစ်ပွဲကြီးတစ်ခုမှာ ရာဇဓိရာဇ်နဲ့ မင်းရဲကျော်စွာတို့ ရင်ဆိုင်ခဲ့ကြပြီး၊ ရန်သူတစ်ဦးအပေါ်တောင် စစ်သူရဲကောင်းတစ်ဦးရဲ့ ဂုဏ်သိက္ခာကို အသိအမှတ်ပြုခဲ့တဲ့ ဖြစ်ရပ်တစ်ခုလည်း သမိုင်းမှာ ကျန်ရစ်ခဲ့ပါတယ်။ အသက် ၁၆ နှစ်အရွယ် ထွက်ပြေးခဲ့ရတဲ့ မင်းသားလေးတစ်ယောက်ကနေ ဟံသာဝတီကို စုစည်းတည်ဆောက်ခဲ့တဲ့ ဘုရင်တစ်ပါးအထိ — ရာဇဓိရာဇ်ရဲ့ ဘဝနဲ့ စစ်ရေးသမိုင်းကို ဒီ Documentary မှာ ပြန်လည်လေ့လာကြည့်ရှုနိုင်ပါတယ်။ ဤ Video တွင် အသုံးပြုထားသော ရုပ်ပုံများနှင့် မြင်ကွင်းများသည် AI နည်းပညာဖြင့် သမိုင်းဖြစ်ရပ်များကို မြင်သာစေရန် ပြန်လည်ဖန်တီးထားခြင်း ဖြစ်ပြီး မူရင်းသမိုင်းမှတ်တမ်းဓာတ်ပုံများ မဟုတ်ပါ။ #ရာဇဓိရာဇ် #ဗညားနွဲ့ #ဟံသာဝတီ #မွန်သမိုင်း #မြန်မာ့သမိုင်း #မင်းရဲကျော်စွာ #အင်းဝဟံသာဝတီ #Razadarit #Han